រុស្ស៊ី៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានធ្វើដំណើរទៅកាន់តំបន់ Amur ភាគខាងកើតរុស្ស៊ី កាលពីថ្ងៃអង្គារ ដើម្បីពិភាក្សាជាមួយប្រធានាធិបតីបេឡារុស្ស Alexander Lukashenko ដែលរំពឹងថានឹងផ្តោតលើបញ្ហាអ៊ុយក្រែន។

មេដឹកនាំទាំងពីរគ្រោងនឹងធ្វើដំណើរទៅកាន់ Vostochny Cosmodrome ដើម្បីប្រារព្ធទិវា Cosmonautics ប្រចាំឆ្នាំរបស់ប្រទេសរុស្ស៊ី ដោយរំលឹកដល់ការហោះហើរអវកាសដំបូងបង្អស់ដែលបានធ្វើឡើងក្នុងឆ្នាំ១៩៦១ ដោយអវកាសយានិកសូវៀតរុស្ស៊ី Yuri Gagarin ។

រុស្ស៊ីបានបញ្ជូនទាហានរាប់ម៉ឺននាក់ចូលទៅក្នុងអ៊ុយក្រែនកាលពីថ្ងៃទី ២៤ ខែកុម្ភៈ ពីទាំងទឹកដីរុស្ស៊ី និងបេឡារុស្ស នៅក្នុងអ្វីដែលខ្លួនហៅថា «ប្រតិបត្តិការយោធាពិសេស»។

អ៊ុយក្រែនបានប្រឹងតស៊ូវិញ ហើយលោកខាងលិចបានដាក់ទណ្ឌកម្មយ៉ាងខ្លាំងដែលរៀបចំឡើងដើម្បីបង្ខំរុស្ស៊ីឱ្យដកកងកម្លាំងរបស់ខ្លួនចេញពីអ៊ុយក្រែន។

លោក Lukashenko បានទទួចថាបេឡារុស្ស៊ីត្រូវតែចូលរួមក្នុងការចរចាដើម្បីដោះស្រាយជម្លោះនៅអ៊ុយក្រែនហើយបាននិយាយថាប្រទេសបេឡារុសមានភាពអយុត្តិធម៌ បើទោះបីត្រូវបានដាក់ហៅថា អ្នកសមគំនិតឈ្លានពានក៏ដោយ៕